Топ 10 светски туристички атракции
Публицистот на туристичкиот водич „Lonely Planet“ ја објави листата на „најдобри светски туристички дестинации“. Експерти и новинари направија листа од најдобри 500 дестинации, од кои ви ги презентираме првите 10.
10. Аја Софија, Турција
Изградена по наредба на византискиот имперарот Јустинијан I пред околу 1,500 години во некогашниот Константинопол, Аја Софија била христијанска црква, џамија, а денес е музеј во Истанбул. Позната е по својата прекрасна купола, се смета за олицетворение на византиската архитектура, а речиси илјада години биле најголема катедрала во светот.
9. Алхамбра, Шпанија
Алхамбра е најпосетуваната туристичка атракција во Европа. Оваа градска тврдина во Гранада се смета за извонреден примерок на маварската архитектура, од времето на муслиманското владеење со јужна Шпанија во 13. век.
8. Водопадите Игуазу, Бразил/Аргентина
На јазикот на Гварани-индијанците Игуазу значи „голема вода“. Водопадите се крајната станица на реката Игуазу која по падот од 82 метри се распрснува на 2,7 километарското Парана плато- со што се создава еден од најспектакуларните природни спектакли на Земјата.
7. Колосеумот, Италија
Овој римски циркус бил користе за гладијаторски борби, тука императорите ги егзекутирале граѓаните фрлајќи ги пред лавовите, но бил користен и за други јавни спектакли како поморски битки и реизведби на славни битки. Собирал 50 илјади посетители.
6. Големиот Кањон, САД
Доколку погледнете над Големиот Кањон можете да набљудувате милијарди години геолошка историја на Земја. Долг е околу 450 километри, длабочината достигнува 1,800 метри. Реката Колорадо му дава дополнителна убавина и облик на кањонот кој се наоѓа во сојузната држава Аризона.
5. Таџ Махал, Индија
Таџ Махал, што во превод значи „круна на палатите“, е името на големиот мавзолеј во Агра, во индиската држава Утар Прадеш. Изграден е во 1632 година по наредба на императорот Шах Јахан како гробница за неговата омилена сопруга Мумтаз Махал. Таз Махал е фузија на персиска и на мугалска архитектура. Изградбата траела 17 години.
4. Големиот кинески ѕид, Кина
За да ја заштита својата територија од номадските напади од север, Кинезите во 7. век започнале со изградбата на ѕид кој се протегал на територија од илјадници километри. До денес, ова е најголемата градба од човечка рака во светот, и притоа- и покрај таквите тврдења- не може да се забележи со голо око од вселената.
3. Мачу Пичу, Перу
Ова древно живеалиште на Инките во Андите, кое е старо повеќе од 500 години, дава одлична слика за архитектонските квалитети на исчезнатата цивилизација. Мачу Пичу се состои од 216 камени згради поврзани со скалила. Сместувањето на околу илјада жители во времето на Инките, на височина од 2,360 метри, секако било огромен логистички предизвик.
2. Големиот корален гребен, Австралија
Гребенот се наоѓа на северо-источниот брег на Австралија е најголемиот корален систем во светот. Покрива површина од околу 347 илјади квадратни километри и е живеалиште аз 1,500 видови риби и други морски животни. Затоа е особено популарен меѓу нуркачите.
1. Ангкор Ват, Камбоџа
Храмовите во Ангкор се најдоа убедливо на прво место според гласовите на експертите- второпласираната дестинација заостануваше дури 36 проценти од гласовите зад оваа атракција. Националниот симбол на Империјата на Кмерите, со софистицираниот иригациски систем и камени руини е многу популарен меѓу туристите и историчарите.