1. Прескокни до содржината
  2. Прескокни до главната навигација
  3. Кон други страници на DW

Талат Џафери избран за претседател на Собранието

БГ
27 април 2017

Мнозинството пратеници во хаотична атмосфера попладнево го избра пратеникот на ДУИ Талат Џафери за претседател на Собранието, проследени со скандирање и песни од пратениците на ВМРО-ДПМНЕ.

https://p.dw.com/p/2c22R
Mazedonien das Parlament stimmt für die Selbstauflösung
Фотографија: MIA

Со 62 гласа „За“, во драматична и хаотична атмосфера во македонското Собрание, предмалку пратениците од мнозинството го избраа Талат Џафери за претседател на Собранието. Ваквиот чекор веќе го најави лидерот на СДСМ, Зоран Заев на прес-конференција попладнево. 
Пратениците на ВМРО-ДПМНЕ со извици „предавници“ и пеење на македонската химна се обидоа да го спречат изборот. 
На изборот му претходеше тензична состојба откако речиси сите пратеници останаа во салата и покрај тоа што претседавачот Трајко Вељановски го прекина продолжението на конститутивната седница. До прекинот дојде откако пратениците најпрво ја пееја државната химна, потоа и еден од пратениците Албанци ја испеа албанската химна, а на крајот, од ВМРО-ДПМНЕ бараа „избори“ а од мнозинството „гласање“.