Сѐ помали надежи за преживеани под урнатиот мост во Мајами
16 март 2018Спасувачите деноноќно работеа на местото на несреќата во обид да пронајдат преживеани во урнатините на пешачкиот мост, кој падна врз неколку возила на автопатот со шест ленти во Мајами. Меѓутоа надежите за тоа се сѐ помали, соопшти полицијата во американскиот град.
Веќе е потврдено дека шест лица загинаа во уривањето на новоизградениот мост од 950 тони врз еден од најфреквентните автопати во јужна Флорида. Уште најмалку 10 лица беа однесени во болница по несреќата, а две од нив се наоѓаат во критична состојба.
Американскиот претседател Доналд Трамп на социјалната мрежа Твитер напиша дека уривањето на мостот и трагичен настан и ги пофали спасувачките екипи кои веднаш се нашле на лице место. „Ви благодарам на храброста“, напиша Трамп на Твитер и истакна дека се моли за сите кои се погодени од трагедијата.
Пешачкиот мост долг 53 метри беше изграден за да се обезбеди сигурен премин преку фреквентниот автопат за студентите на Меѓународниот универзитет на Флорида. Причината за уривањето на мостот засега не е позната.