Деновите на Дилма Русеф се веројатно избројани
12 мај 2016По целоноќна дебата, утрово во главниот град Бразилија 55 сенатори гласаа во прилог на постапка за отповикување на Дилма Русеф, а 22 беа против. Со одлуката претседателката е суспендирана од функцијата првично на максимално 180 дена, а нејзините должности ги презема нејзиниот противник, заменик претседателот Мишел Тамер.
Во периодот на отповикувањето на Русеф, Сенатот низ процес треба да разјасни дали досегашната претседателка ги прекршила буџетските правила за да обезбеди свој реизбор во 2014. година. Таа го негира обвинението и зборува за обид за пуч. Ако Сенатот по процесот се изјасни со дветретинско мнозинство против Русеф, таа дефинитивно ја губи функцијата.
Поради борбата за власт во земјата со трета по големина светска економија со недели се одржуваат делумно насилни протести. Мнозинството од народот според анкетите е за отповикувањето на Русеф. Бразил инаку се наоѓа во најтешката економска криза во последните 100 години.