Реклама

Се‘ за Бундеслигата и повеќе

https://p.dw.com/p/BS2d

Фотографија: AP

Реклама

Конечно повторно фудбал! Бундеслигата стартува во новата сезона. Оваа година се продадени рекордно голем број годишни влезници - дури 400 илјади. Актуелните резултати и возбудувања од Бундеслигата можете да ги слушате на радио Дојче Веле секој понеделник, во емисијата на македонски јазик во 11:30 часот. Кои се клубовите кои оставиле свој печат во германската фудбалска лига? Ви ги претставуваме низ серија портрети.

Прескокни го блокот Теми

Теми

Хамбургер - “диносаурус" на Бундеслигата

Хамбургер е освојувач на европски купови и повеќекратен првак на Германија. Во Бундеслигата има и поуспешни од него, но Хамбургер е единствен клуб кој игра во лигата од нејзиното основање и досега не испаднал од неа.

Санкт Паули – култен клуб со навивачка култура без преседан

Пиратскиот симбол – мртовечки череп - за навивачите знак на спортската класна борба против фудбалскиот естаблишман. Приврзениците на Санкт Паули решително се ангажираат против расизмот и секоја форма на дискриминација.

ФК Келн - убаво минато, посна сегашност

Првиот шампион во Бундеслигата и годинава е второлигаш. Кризата на Келн трае долго, и натаму се бара вистинскиот пат за враќање кон позициите во врвот на германскиот фудбал, каде се наоѓаше во 60-тите и 70-тите години

Шалке веќе 49 години копнее за шампионските почести

Клубот од Гелзенкирхен, осумкратен првак на Германија, гори од желба за реванш за настаните од пред 83 денови - во последните метри загубената трка за титулата во претходното првенство

Штутгарт во клубот на “големите”

Биланс достоен за почитување: пет титули првак и три како победник на Купот на Германија. Пласманот во Лигата на шампионите - база за поставување темели за успешна иднина

Динамо од Берлин – клубот на Штази

Од серијата „Портрети на германските фудбалски клубови„ денеска ви го претставуваме Динамо од Берлин, клубот на познатата Служба за државна безбедност во Германската Демократска Република – Штази.

Херта БСЦ Берлин

„Штралзундер штрасе„ во берлинската општина Вединг -никаква сјајна улица. Ниту денес, ниту на 25 јули 1892 година кога таму се сретнаа четири момчиња, не постари од 17 години и решија да основаат спортски клуб.

Ајнтрахт Франкфурт – меѓу желбите и реалноста

Во градот каде што е седиштето на Германскиот фудбалски соуз, на новоизградениот стадион за Светското првенство во минатата година, игра Ајнтрахт од Франкфурт.

Лајпциг – прв шампион на Германија во фудбал

Најдобриот германски клуб до Првата светска војна, престана да егзистира. Неговите традиции ги продолжува Локомотиве – пред 20 години финалист на европскиот Куп на победниците на националните купови, сега шестолигаш.

Динамо пак ќе се појави на европската фудбалска карта!

Динамо од Дрезден е веројатно најпознатиот клуб од некогашната Источна Германија

Фудбалските чуда на Вердер

Вердер во претходното фудбалско првенство на Германија во финишот пропушти шанса за освојување на првото место. Но, неговите навивачи и натаму цврсто веруваат во успех, оти во Бремен фудбалски чуда веќе се случуваа.

ФК Магдебург: единствениот од ГДР што освои европска титула

Во нашата серија за германските фудбалски клубови победници, денеска се враќаме 33 фодини назад: кон клубот кој во 1974 година како единствен од Германската Демократска Република, освои европски куп.

Покажи повеќе написи