Прошетка меѓу диносауруси

Во суштина станува збор за музеј на отворено, на површина од десет хектари, кој ќе вклучува четири патеки на некои од најважните епохи во историјата на планетата Земја: доцен палеозоик, тријасик, јура и креда. Покрај патеките на отворено посетителите ќе можат да ја погледнат и изложбата во Музејот Луриња, со фантастична палеонтолошка колекција.

Изградбата на паркот беше иницирана во минатата година, со убедување дека ќе биде проект-столб за поголемо влијание на развојот на туризмот во регионот. Луриња која се наоѓа во западна Португалија е еден од најбогатите региони во Европа со фосилни остатоци од диносауруси, некои стари и до 150 милиони години.