Протестите продолжуваат со нов интензитет

По паузата во неделата од денеска низ повеќе градови во Македонија продолжуваат протестите. За правда, слобода и демократија во Република Македонија е мотото под кое викендов протести се одржаа и во Њујорк и Вашингтон.

Во Македонија, освен во Скопје, веќе се протестира и во Битола, Велес и Струмица. За денеска е најавено дека #протестирам ќе се прошири и во Куманово и Штип.

Партијата на етничките Албанци во Македонија, Беса најави дека од денеска исто така ќе им се приклучи на протестите.