Природни и културни убавини на списокот на УНЕСКО
16 јули 2016
Во продолжение ви претставуваме шест од годинешните 29 аспиранти:
1.Гибралтар: Пештерата Горам
Излезот од Пештерата Горам отвора исклучителен поглед преку Медитеранот. Но погледот внатре во пештерата е уште поспектакуларен, а најсилен впечаток оставаат цртежите на камените ѕидови исцртани од страна на поранешните жители на пештерата, неандерталците. Се претпоставува дека цртежите се стари повеќе од 39.000 години.
2. Кариби: Нелсоново пристаниште
Ова е првпат островската држава на Антигва и Барбуда да аплицира за статус за Светско наследство. Историското „Нелсоново пристаниште“ е лоцирано во природна пристанишна зона. Откако Англичаните се населиле во 1671 година, пристаништето прераснало во важна поморска база. Денес, многу историски згради се реставрирани и пристаништето претставува најголем музеј на отворено во Карибите.
3. Грција: Филипи
Античкиот град Филипи, основан во 362 година п.н.е., некогаш бил дел од Римската империја. На ова место се одвивала позната битка помеѓу Цезаровите атентатори, Брут и Касиј, и Антониј и Октавијан. Дел од локалното усно предание е изреката „Во Филипи, ние ќе се сретнеме повторно", која ја употреби и Шекспир во своето дело „Јулиј Цезар.“
4. Канада: Грешна точка
Името на овој 'рт е соодветно на несреќите кои тука ги доживеале безброј морнари. Во густата магла многумина оваа местоположба ја помешале со онаа на пристаништето Кејп Рејс и се судриле со карпите. Сепак, уникатно за овој далечен дел од Њуфаундленд се 500 милиони години старите фосили кои се едни од најстарите на светот.
5. Германија: Зградите на Корбизје
Ле Корбизје бил еден од највлијателните архитекти на 20 век. Но, не станува збор само за една зграда, напротив - номиниран за Светско културно и природно наследство е целиот негов творечки опус, кој се состои од 17 објекти распространети во Аргентина, Белгија, Германија, Франција, Индија, Јапонија и Швајцарија. Зградите на Корбизје во Штутгарт се единствениот предлог на Германија за добивање на статус на светско културно и природно богатство годинава.
6. Франција: Шаин де Пуи
Познатиот француски планински венец Централ е дом на стотина неактивни вулкани. Уште во 19 век туристи го посетувале вулканскиот ланец наречен „Шаин де Пуи“. Повеќе од 200 години, овој предел кој потсетува на месечината, претставува важна локација за истражувања од страна на спелеолозите.