Прв пат во Вашиот град: „Ангели на пеколот“

Српскиот град Јагодина од 29 мај до 5 јуни годинава е домаќин на 42. европски собир на Мото-клубот „Ангели на пеколот“ (Hells Angels), чии членови се на лош глас поради насилство и вмешаност во криминални бизниси. Во малата Јагодина пристигнуваат околу 2,000 членови на клубот од цела Европа, но и од САД, Канада, Австралија, Нов Зеланд и Египет. Градските власти се надеваат на голем профит, но граѓаните не се одушевени. Екипата на ДВ не успеа да добие одговор на прашањето: зошто повеќе илјади полицајци го обезбедуваат настанот? Повеќе во видеото: