Поп-ѕвезди и коњичка парада за Елизабета Втора
16 мај 2016
Четиридневните свечености по повод 90-от роденден на Елизабета Втора беа завршени синоќа во дворецот Виндзор, меѓу другото со голема коњичка парада.
Во чест на британската кралица пееја меѓународни ѕвезди како Кајли Миног, Џејмс Блант, Гери Барлоу и тенорот Андреа Ботичели. Актери како Хелен Мирен, која за улогата на Елизабета на филмското платно доби Оскар, зборуваа за животот на монархињата која 64 години е на британскиот престол.
На крајот, околу 6 илјади посетители и‘ испеаја „Среќен роденден“ и националната химна, „Господ нека ја чува кралицата“.
Вистинскиот ден на своето раѓање, 21. април, Елизабета Втора традиционално го поминува мирно со семејно одбележување. Во средината на јуни пак ќе следи трета рунда на прославата со богослужба, парада во Лондон и голема забава пред Бакингамската палата.
Погледнете го видеото: