Нимиц ќе даде се‘ од себе

Посредникот во македонско-грчките разговори за името Метју Нимиц попладнево веднаш по пристигнувањето во Скопје изјави дека очекува многу од средбите со државниот врв и оти ќе даде се‘ од себе да се дојде до решение.

„Се радувам што сум во Скопје и ги очекувам средбите со државниот врв. Очекувам многу од овие средби, ќе дадам се‘ од себе“, рече Нимиц во кусата изјава за новинарите пред хотелот Холидеј Ин.

Нимиц се среќава прво со шефот на македонската дипломатија, Антонио Милошоски, а потоа во вилата „Водно“ со македонскиот претседател Ѓорге Иванов.

Автор: ЖА/БГ/миа