Недозволена контрола на приватни меилови

Претпријатијата немаат право неограничено да ја надгледуваат приватната електронска комуникација на своите вработени во канцелариите и целосно да го блокираат нивниот социјален живот. Европскиот суд за човекови права во Стразбур ја осуди Романија поради кршење на основното право на приватност. Процесот се водеше по тужба на Романец, кој бил отпуштен од работа, бидејќи преку службената имеил адреса од компјутер на својот работодавач испратил порака до својот брат и неговата свршеничка. Претпријатието ја снимило неговата коресподенција во текот на целата седмица, па и приватните пораки, без претходно да го информира својот соработник за постоење можност од таква контрола.

Пресудата се однесува директно само на Романија

Од аспект на судиите во Стразбур, ваквото однесување е недозволено. Според пресудата, на претпријатието му е оставена можноста за проверка на комуникацијата на своите вработени, но со исполнување на посебни предуслови, кои ги утврди судот. Основниот е неопходно претходно запознавање на соработниците за можноста и размерите од вршење контроли. Освен тоа, потребно е постоење легитимна причина за вршење надзор, а на крајот треба да се земат во предвид и поблаги контролни мерки, како и можноста да следуваат помалку драстични консеквенци од давањето отказ. Одлуката се однесува директно само на Романија, но и Германија, како членка на Советот на Европа, како и останатите, треба да се придржуваат на неа, доколку не сакаат да ризикуваат слична казна.