Музичкиот свет тагува по поп-легендата Принц
22 април 2016Таков го сакаа неговите обожуватели: „откачен“ и самоуверен. Принц Роџер Нелсон беше мал по раст човек, но со огромно его. Роден во Минеаполис како син на еден пијанист и една џез-пејачка, тој достигна до самиот врв на популарноста во музичката бранша во САД. Компонираше, свиреше бројни инструменти, беше шоу-гениј и исклучително успешен продуцент.
Својот најголем комерцијален триумф Принц го забележа во 1984 година со албумот „Пурпурен дожд“, за кој доби две Греми награди.
Неговото мртво тело беше најдено вчера (21.04.2016) во неговата приватна куќа во Минесота, а причината за смртта не е се‘уште позната. Музичката легенда Принц минатата недела се жалеше на здравствени проблеми и на враќање од еден концерт морал да побара лекарска помош, наводно поради грип.
Режисерот Спајк Ли организираше улична забава Њујорк, САД во чест на починатиот Принц. Околу илјада луѓе играа и се забавуваа на музиката на славниот музичар кој почина во четвртокот во 57-та година од животот.
Спајк Ли ја предводеше забавата од своето седиште во Бруклин.
Погледнете го видеото: