Меси се збогува од репрезентацијата

Најдобриот светски фудбалер Лионел Меси реши да се повлече од аргентинската фудбалска репрезентација за која настапуваше повеќе од една деценија. Одлуката за збогувањето од репрезентативната кариера фудбалерот на Барселона ја соопшти ненадејно, разочаран по поразот од Чиле во финалето од Копа Америка, одиграно ноќеска во Ист Рутерфорд, САД.

Аргентина загуби на пенали, а Меси не го реализира ударот од 11 метри во првата серија. Дваесет и деветгодишниот Меси посакуваше трофеј со Аргентина, но и по четвртото финале, три на Копа Америка и едно на Мундијалите, не успеа да се искачи на тронот. Меси за Аргентина има одиграно 113 натпревари и постигнато 55 погодоци.

Погледнете го видеото: