1. Прескокни до содржината
  2. Прескокни до главната навигација
  3. Кон други страници на DW

Мајка Тереза прогласена за светица

БГ4 септември 2016

Мајка Тереза беше прогласена за светица од Папата Франциско на утринската миса на плоштадот Св. Петар во Рим на која присуствуваа повеќе од 100 илјади верници и гости од целиот свет.

https://p.dw.com/p/1JvWI
Фотографија: Reuters/S. Rellandini

Папата Франциско претпладнево ја прогласи Мајка Тереза за светица, оддавајќи и почест на калуѓерката која се грижеше за болните и сиромашните во светот и израсна во симбол на Католичката црква.


Низ плоштадот Св. Петар во Рим се разнесе громогласен аплауз дури и пред Папата Франциско да ги каже последните зборови од канонизацијата на Мајка Тереза, наведувајќи ги чудата кои и се припишуваат на калуѓерката.
Канонизирајќи ја за време на јубилејната Година на милоста, Папата на некој начин ја направи икона на својот понтификат.

Мајка Тереза- животот на една светица



Околу 100 илјади верници и гости од целиот свет ја следеа мисата. Посетата не успеа да ја достигне бројноста од 2003 година, кога Мајка Тереза беше прогласена за блажена, најмногу поради засилените безбедносни мерки во Ватикан каде се стравуваше од терористички напади.