1. Прескокни до содржината
  2. Прескокни до главната навигација
  3. Кон други страници на DW
Катастрофи

Калифорнија се бори против пожарите

ЖА / агенции
11 декември 2017

Калифорнија не успева да ги стави пожарите под контрола. Огнот сега им се заканува на повеќе градови, меѓу кои и Санта Барбара. Илјадници луѓе мораа да ги напуштат своите домови.

https://p.dw.com/p/2p9SJ
USA Kalifornien Waldbrände
Фотографија: Reuters/Santa Barbara County Fire Department/M. Eliason

Без оглед на стивнувањето на ветровите, пожарникарите не успеваат да ги стават под контрола најголемите шумски пожари во јужна Калифорнија. Пожарот наречен Томас, северно од Лос Анџелес, се прошири на уште 200 квадратни километри и е загаснат само 15 проценти, соопштија надлежните служби. Загрозени се во меѓувреме и универзитетскиот град Санта Барбара, северно од Лос Анџелес, како и приморското место Керпинтериа. Некои од тамошните предградија мораа да бидат евакуирани.

USA Kalifornien Waldbrände
Фотографија: Getty Images/AFP/M. Ralston

Пожарот Томас кој избувна минатиот понеделник во близина на градот Вентура и на чие распространување му погодуваа силните ветришта, незапирливо се шири и натаму. Тој веќе уништи речиси 600 објекти и 60.000 хектари земја, со што се вброи во најразорните во историјата на сојузната држава. Преку 200.000 луѓе ги напуштија своите домови за да се засолнат на безбедни места. Досега е пријавена една жртва во пожарите.

Калифорнија се бори против пожарите