Исламска држава во Либија под силен притисок

Бригадите на силите на владата на национално единство на Либија кои се состојат главно од борци од градот Мисрата во борбите во текот на неделава против трупите на ИД остварија зналаен напредок кон центарот на Сирт, во рамките на офанзивата започната во минатиот месец. Повратена е контролата врз пристаништето во Сирт и околните населби. Најмалку 11 борци загинале досега пред сѐ од истрели на снајперистите на Исламска држава. Сирт е најзначајното упориште на џихадистите надвор од Ирак и од Сирија.

На почетокот на неделата либиски авииони започнаа да ги бомбардираат позициите на ИД во Сирт, додека воената морнарица со артилериски оган ги напаѓаше џихадистите од море, наведоа либиски официјални претставници, додавајќи дека офанзивата продолжува.

Погледнете го вебвидеото за борбите кај Сирт:

Портпаролот на либиските сили, генералот Михамед ал-Гусри изјави дека лидерите на ИД избегале северно од градот, во пустината, ама додаде и оти голем број милитанти и натаму се под опсада во Сирт.

Исламската држава започна да се проширува во Либија во 2014 година, среде политичката криза и конфликтот во оваа земја. ИД ја презеде контролата врз Сирт, инаку роден град на поранешниот либиски властодржец Моамер ел Гадафи во текот на минатата година, ама оттогаш наваму тешко успева да ги задржи освоените територии или да добие поддршка во други делови од Либија.