Златна палма за Лоуч

Британскиот режисер Кен Лоуч ја доби Златната палма на 69-от Кански фестивал за филмот „Јас, Даниел Блејк“, социјална драма за судбината на „малиот човек“. Главниот лик во филмот е повозрасниот столар Даниeл Блејк, кому му е забрането да работи по преживеаниот срцев удар. Наоѓајќи се во тешка ситуација, тој се соочува со рамнодушноста на државната машинерија, но се обидува да продолжи да живее достоинствено.

Гран-при наградата, втората по важност по Златната палма, на годинешното издание на меѓународниот Кански филмски фестивал му припадна на канадскиот режисер Ксавиер Долан за филмот „Само крајот на светот“.

Херој во психолошката драма на Долан е успешен млад писател, кој во момчештвото го напушта домот поради несогласувањето со семејството поради неговата сексуална ориентација. Многу години подоцна тој се враќа во домот, за да им соопшти дека е смртно болен и оти наскоро ќе умре.

Наградата за најдобар режисер годинава во Кан ја добија двајца режисери – Французинот Оливие Асејас и Романецот Кристијан Мунгиу.

Францускиот режисер ја добри наградата за филмот „Личен купувач“, кој се занимава со животот на млада Американка во Париз, која работи како асистент на славна личност, грижејќи се за нејзината гардероба. Хероината не ја сака својата работа, но не може да најде подобар начин да заработи за живот во Франција. Но одненадеж таа почнува да добива анонимни пораки.

Романецот, пак, е награден за филмот „Матура“. Во центарот на оваа социјална драма е историјата на провинциско романско семејство, во кое единствената ќерка се подготвува за матурскиот испит. Високата оценка би ѝ овозможил на девојката да го продолжи школувањето во Англија, за што мечтае таткото. Но пред самиот испит сите надежи потонуваат, на само неколку чекори од училиштето таа доживува обид за силување и паѓа на испитот.

Иранскиот актер Шахаб Хосеин ја доби наградата за најдобра машка улога во филмот „Трговец“ на иранскиот режисер Асгар Фархади. Социјалната драма раскажува за 51-годишен маж кој по 20-месечно барање работа добива задолжение, кое го става пред етичка дилема и од неговиот избор зависи дали ќе ja сочува тешко добиената работа.

Добитничка на наградата за најдобра актерка е филипинската актерка Жаклин Жосе за улогата во филмот „ Ма Роса“ на филипинскиот режисер Брилијанте Мендоза, во кој е мајка на четири деца и држи мало кафуле во една од најсиромашните населби во Манила. За да врзат крај со крај, таа и сопругот се решаваат и да препродаваат дроги.

За најдобар режисерка на 69-от Кан жирото ја прогласи британската режисерка Андреа Арнолд за филмот „Американски мед“. Филмот ја следи приказната за млада девојка која крстосува по американскиот Среден Запад продавајќи претплата на списание, но наскоро наоѓа ново друштво со кое влегува во авантури и искушенија.

Почесната палма годинава му беше доделена на францускиот актер Жан-Пјер Лео, за достигнувања во светската кинематографија.

Погледајте го видеото: