ЕУ повторно бара повлекување на руските војници од Грузија
6 септември 2008Министрите за надворешни работи на ЕУ денеска на состанокот во Авињон повторно побараа повлекување на руските трупи од централната територија на Грузија. Германскиот министер за надворешни работи Франк Валтер Штајнамер истакна „Европејците се одлучни да се заложат за сега кршливото примирје да се стабилизира на долгоречен план“. Германија и други европски држави се залагаат за тоа да има независна истрага за конфликтот меѓу Грузија и Русија. Шеф дипломатот Штајнамер го повтори и неговиот предлог да се формира Пакт за стабилност за целиот регион. Сличен концепт за стабилност на Балканот донесе успех, подвлече министерот.
Францускиот претседател и претседавач со ЕУ Никола Сaркози во понеделник ќе патува во Москва, каде ќе се заложи за примена на договорот од шест точки.
Вчера министрите на ЕУ на неформалната средба во Авињон разговараа за односите со САД и улогата на Европа во светската политика. Тие ја изразија и намерата Европа да се етаблира како рамноправен партнер на СAД во светската политика.