„Господин и госпоѓа“ - венчавката на Швајнштајгер и Ивановиќ

Црвени и бели балони-срца се дигаат во воздух, гостите фрлаат цветни латици врз младиот брачен пар: Бастијан Швајнштајгер и Ана Ивановиќ ја напуштаат црквата Санта Марија дела Мисерикордиа.

Ова беше кулминацијата на дводневната свадбена церемонија во Венеција. Уште од црквата германскиот фудбалски репрезентативец и српската тениска ѕвезда постираа фотографии на социјалните мрежи. Ивановиќ напиша «Mr. & Mrs.» со црвено срце.

Ивановиќ со својот прекрасен венчален фустан и Швајнштајгер со беспрекорниот смокинг беа мета на бројни фотографи. Меѓу гостите беа и познати спортски имиња како фудбалерот Лукас Подолски, германската тенисерка Анџелик Кербер и скијачот Феликс Нојројтер.

Пред венчавката, во вторникот беше церемонијата на склучувањето на бракот во општината, по која во хотелот „Аман“ се одржа прославата која, според проценките во медиумите, чинела околу еден милион евра.

Во истата палата, во септември 2014 година, се венчаа и холивудската ѕвезда Џорџ Клуни и Амал Аламудин.