Германски топ десет
18 октомври 2010
1. Over The Rainbow - Israel "Iz" Kamakawiwo'ole
Tрета недела по ред без промени на врвот на Германскиот топ десет - хавајскиот пејач Israel Kamakawiwo'ole почина во 1997 година, а неговата верзија на синглот Over The Rainbow беше издадена во 1993 година. Причина што песната дури сега се наоѓа на првото место во Германија е тоа што приватна телевизија ја искористи за рекламни потреби, а законот предвидува насловот на песната да биде испишан на екранот.
2. Love The Way You Lie - Eminem feat. Rihanna
Rihanna неодамна ја откри тајната на својот успех - таа имено никогаш не стравувала од грешки. Напротив, вели пејачката, најбитно е човек да учи од сопственото искуство. А за секој ден да може да го чита овој слоган, Rihanna го има истетовирано на клучната коска. Неделава заедно со Eminem се` уште го држат второто место во Германија.
3. Dynamite - Taio Cruz
Taio Cruz неодамна изјави дека на пејачите во денешно време воопшто не им е лесно, бидејќи поради нелегалните симнувања од интернет, не можат да живеат од продажбата на сингловите и албумите. Затоа тие истовремено мора да бидат и бизнисмени и да смислуваат нови начини за заработка. Како и повеќето од нив, така и Taio Cruz има сопствена модна линија и очила за сонце.
4. Wonderful Life - Hurts
5. Nein, Mann! - Laserkraft 3D
6. Teenage Dream - Katy Perry
7. We No Speak Americano - Yolanda Be Cool & DCUP
8. Airplanes - B.O.B feat. Hayley Williams
9. Unter deiner Flagge - Unheilig
10. Club Can't Handle Me - Flo Rida feat. David Guetta
А кои се трите најпродавани албуми во Германија? Ќе дознаета на следната страница.
На третата позиција се спушта минатонеделниот шампион, албумот Rock Symphonies на германскиот виолинист David Garret.
Во искачување за три места, на втората позиција се пласира албумот Große Freiheit на уште еден германски состав, Unheilig.
И на првото место неделава е 66-годишниот Joe Cocker и неговото најново студиско остварување Hard Knocks.
Автор: Media Control GfK / TT
Редактор: Жана Ацеска