Германската љубов кон бувјаците

Во Германија годишно се одржуваат околу 50.000 бувјаци. Пазарите за стари и употребувани предмети ги има во секој град. На пазарите се собираат илјадници продавачи и посетители.

Моника, која редовно продава на ваквите пазари смета дека ја знае причината за љубовта на Германците кон ваквите пазари: „Посетителите на бувјаците се во потрага по нешто посебно. Тие бараат нешто што го нема во продавница. Затоа и доаѓаат“

А доколку се има среќа, дури може да се најде и нешто многу вредно. Така на пример пред неколку години на еден пазар на стари предмети за само 5 евра беше купена слика од прочуениот сликар Реноар.

Подоцна ова уметничко дело беше продадена за 100.000 евра.