Отказ за шефицата на службата за миграција

Германскиот министер за внатрешни работи Хорст Зехофер  ја отпушти Јута Корд, шефица на сојузната служба за миграција и бегалци (БАМФ), поради скандалот со наводните нерегуларни издадени одобренија за азил за илјадници мигранти во земјата.

Корд, која ја презеде оваа агенција на почетокот на 2017 година, доби отказ поради аферата во канцеларијата на федералната служба за мигранти во Бремен, на која министерот Зехофер ѝ го одзеде правото да доделува азил. Германија во 2015 и во 2016 годија прими над еден милион бегалци главно од Сирија, Ирак и од Авганистан, така што властите во тој период беа затрупани со барања за азил.

Повеќе на темата:

-Скандалот со азилантите ја стигна и Меркел

-Расчистување на азил-скандалот без хистерија

-Дали во Германија се добивал азил за илјада евра?!

Овој скандал во кој е вмешана агенцијата нема врска со расправата меѓу канцеларката Ангела Меркел и министерот за внатрешни работи Хорст Зехофер за политиката кон мигратнтите. Несогласувањата во германската влада околу бегалците растат во последните денови поради што се поставува и прашањето за опстанување на Меркел на чело на владата, додека националистичките сили во другите европски земји сѐ посилно се противат на нејзината политика за приемот на мигранти.