Вулканот Колима не се смирува
4 октомври 2016Реклама
Еден од најактивните вулкани во Мексико по ерупцијата на 1 октомври продолжува да исфрла столбови чад и пепел како и лава. Мексиканските власти пак спроведоа евакуација на населението во радиус од 12 километри од вулканот.
Претставник на Националната цивилна заштита изјави дека жителите на две села во сојузната држава Колима и едно во државата Халиско нема да можат да се вратат во своите домови уште 24 часа. Тој соопшти дека вулканот продолжува да биде високо активен и видлив е голем столб од чад и пепел, како и лава која излегува од кратерот на Колима, кој се наоѓа на околу 3800 метри надморска височина.
Во последните 450 години регистрирани се најмалку 40 ерупции на Колима, а последната поголема ерупција беше во јули годинава.