Бомбашки напад врз полициско возило во Истанбул
7 јуни 2016Во турската метропола Истанбул утрово се убиени десетина лица во експлозија во близина на автобуска постојка. Агенциите јавуваат за четириесетина ранети луѓе. Бомбата експлодирала во паркирано возило во моментот кога на местото поминувало полициско возило. Некои очевидци тврдат дека биле погодени две полициски возила. Според агенцијата Анадолу, во близина на настанот се слушнале и истрели. Експлозијата се случи во квартот Везнекилер, кој е омилен и кај туристите. Во близина се наоѓа и Истанбулскиот универзитет, како и голем трговски центар. Засега никој не ја презеде одговорноста за нападот. Во последно време во Турција повеќе напади извршија курдски бунтовници, припадници на екстремистичката организација Исламска држава, како и радикални левичари.
Погледнете го видеото: