Ал Каеда значително ослабена?
30 јули 2011Претседателот на германската тајна служба Ернст Урлау во интервју за весникот „Ноје Оснабрикер Цајтунг“ истакнува дека терористичката мрежа Ал Каеда е значително заслабната и не е во состојба да изведе масовни напади.
„Јадрото на организацијата во Авганистан и Пакистан е продрено и значително ослабено, а покрај тоа од смртта на Осама бин Ладен наваму во Ал Каеда постојат внатрешни судири“, истакна Урлау.
Според него новиот шеф на терористичката мрежа Ајман ал Завахири нема авторитет за да ги надмине конфликтите и ривалствата на регионалните ограноци на Ал Каеда.
Ќелиите во регионот Магреб (Мароко, Алжир и Тунис) или оние на Арапскиот Полуостров во меѓувреме играат посилна улога отколку „јадрото на Ал Каеда“ во Авганистан и во Пакистан, смета Урлау.
Автор:СН/ АТ/ дв
Редактор: Александра Трајковска