1. Прескокни до содржината
  2. Прескокни до главната навигација
  3. Кон други страници на DW
Религија

Активистка на Фемен со обид да го украде Исус

СН/ агенции
26 декември 2017

Полугола активистка од феминистичката група Фемен се обиде да ја украде статуата на бебето Исус од божикната декорација на плоштадот Свети Петар во Ватикан. И тоа не е прв пат.

https://p.dw.com/p/2pwoP
Funny Christmas - Femen Aktivistin stürmt die Krippe auf dem Petersplatz in Rom
Фотографија: Reuters/A. Bianchi

Разголена жена во текот на вчерашниот ден (25.12.) скокна преку заштитната ограда и дотрча до божикната декорација на плоштадот свети Петар во Ватикан извикајќи „Бог е жена“. Истиот слоган беше напишан на нејзиниот гол грб.  Таа притоа се обиде да ја украде статуата на бебето Исус. Ватиканската полиција ја спречи да го стори тоа и ја уапси. Полицијата поднесе обвинение за давање отпор и повреда на полицаец, навреда на религиозни симболи, обид за кражба и непристојно однесување во јавноста.

Топлес акција на Фемен во Ватикан

Инцидентот се случи два часа пред папата Франциско да го одржи традиционалниот божиќен говор пред околу 50.000 луѓе на плоштадот.

Фемен на својата интернет страница објави дека топлес-акцијата ја извела нивната активистка Алиса Виноградова, која беше наречена „секстремистка“.

Vatikan Femen Aktivistin
Фотографија: Reuters/A. Bianchi

Цел на групата, основана во Украина, е „конечна победа над патријархатот“, пишува на страницата.

Активистка на Фемен слична акција изведе на Божиќ 2014 година, но тогаш успеа да ја земе статуата на бебето Исус пред да ја уапси полицијата.