Австралиецот Грег Рајт - „татко“ на биткоинот

„Јас го презедов најголемиот дел во создавањето, но ми помогнаа и други“, изјави претприемачот. Досега само се знаеше псевдонимот на пронаоѓачот - Сатоши Накамото. Според БиБиСи, австралискиот бизнисмен приложил технички докази за создавањето на биткоинот. Австралиската полиција и даночна служба засега не коментираа.

Во декември беше извршен претрес на канцеларијата и на куќата на Рајт во Сиднеј. Претходно магазинот „Вајрид“ го посочи како можен креатор на дигиталната валута. Според информациите, Рајт поседува биткоини во вредност од повеќе стотици милиони долари и со тоа може да влијае врз цената. Полицијата во декември соопшти дека претресот е извршен по налог на даночната служба.

Во Австралија одамна се дебатира околу оданочувањето на биткоини. Надлежната финансиска служба одлучи да ги третира како имот, а не како валута. За разлика од нормалните валути, биткоинот не го идава некоја централна банка, туку го креираат корисници чии компјутери за таа цел пресметуваат екстремно комплексни алгоритми.