Mанипулација на натпревари во Чешка, уапсени 12 лица

Според обвинението, активните и поранешните фудбалери го договарале исходот од натпреварите. Портпаролот на специјалната единица за борба против корупција, Јарослав Ибехеј, изјави: „Дванаесет лица се уапсени под сомневање за корупција во фудбалот, за можни манипулации со натпревари во различни лиги и со тоа поврзани обложувања.“ Имињата на уапсените не се соопштени поради истрагата која сѐ уште е во тек.

Освен тоа, на сослушување се поканети уште 20 други лица. Полицијата, која соработува и со колегите од Словачка, изврши и претрес на 15 станови. Медиумите јавуваат дека во скандалот, покрај играчи од втората и третата лига, се наводно вмешани и луѓе од прволигашките клубови Теплице и Јаблонец.