20 години од првиот смартфон

Од првиот смартфон Нокиа 9000 Комуникатор до денешните модерни телефони минаа точно 20 години. Модерните смартфони забележаа значителен развој. Денес тие тежат помалку, а се способни да извршуваат многу повеќе функции за многу брзо време. Постојат и илјадници апликации кои придонесуваат на корисниците на смартфоните никогаш да не им биде здодевно. Денес има 1.9 милијарди корисници на смартфони во светот и тој број постојано расте. Во глобални рамки, само во првиот квартал од оваа година биле продадени 349 милиони уреди, што споредено со истиот квартал минатата година изнесува зголемување за 3.9 проценти. Најпродаваниот телефон е Самсунг Галакси С7, по што следуваат Ајфон 6с и 6с Плус.