1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Џенерал Моторс повлекува возила поради грешка

Повлекувањето возила е дел од секојдневната работа на автомобилската бранша. Но, во авто-сервисите да бидат повлечени дури 1,6 милиони возила, ретко се случува. Овојпат е погоден Џенерал Моторс.

Американскиот производител на автомобили Џенерал Моторс од северноамериканскиот пазар ќе повлече 588 илјади возила поради можни проблеми со нивниот систем за стартување, кој може да доведе до оневозможување на електрониката и блокирање на работата на моторот, соопшти претставник на корпорацијата.

Техничката неисправност, според експертите, можеби се наоѓа во автомобилите од постарите типови Шевролет, Понтијак и Сатурн.

Претходно во февруари корпорацијата веќе најави повлекување на 780 илјади возила од моделитеШевролет кобалт и Понтијак Г5, продавани од 2005. до 2007. година. Се планира проверка на евентуална грешка во работата на електронскиот систем, кој покрај другото е одговорен и за активирањето на безбедносните перничиња.

Од Џенерал Моторс изјавија и дека се свесни за 31 сообраќајна несреќа во кои не профункционирал механизмот за отворање на воздушните перничиња, при што загинале 13 луѓе.