1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Ќе добие ли ЕУ сопствени буџетски средства?

И покрај отпорот од страна на земјите-членки, Европската комисија предложи создавање на сопствени извори за финансирање на буџетот на Унијата во наредните години.

European Commission President Jose Manuel Barroso speaks during a media conference after an EU summit in Brussels on Friday, June 24, 2011. The European Union said it would help Greece access billions of euros in EU development funds in an attempt to boost the country's struggling economy and sweeten unpopular austerity measures ahead of a tight parliamentary vote. (Foto:Virginia Mayo/AP/dapd)

Претседателот на Европската комисија, Жозе Мануел Барозо

Предлогот на Европската комисија ги опфаќа пред се’ приходите од европскиот данок на финансиски трансакции, а освен тоа во европскиот буџет треба директно да се влева и еден вид данок на додадена вредност собран во земјите членки на Унијата. Со ова не треба да се зголеми вкупниот буџет на ЕУ, бидејќи финансиските придонеси на земјите членки на тој начин ќе се намалат. Меѓутоа, Германија и многу други земји-членки се против воведување ваков специјален данок за финансирање на европската заедница.

Страв и трепет

Претседателот на Европската Комисија Жозе Мануел Барозо точно знае како да ги заплаши главните градови на Европа. Треба само да каже даноци на ЕУ! До сега Унијата беше упатена на средствата што секоја земја-членка ќе и’ ги префрли на сметката. Во времето на принудно штедење во националните буџети членките често со тешко срце ги префрлаат парите на европските сметки. За буџетскиот период меѓу 2014 и 2020 година Барозо не сака повеќе да проси за секој цент:

European Council President Herman Van Rompuy, right, and European Commission President Jose Manuel Barroso participate in a media conference at an EU summit in Brussels on Thursday, June 23, 2011. Greece's financial meltdown is set to overshadow yet another summit of European Union leaders, who on Thursday will discuss new ways to get the country back on its feet and protect the euro's stability. (Foto:Virginia Mayo/AP/dapd)

Барозо и претседателот на ЕУ, Ван Ромпој

„Предлагаме нов систем за приходи, кој од една страна се потпира врз данокот на финансиски трансакции, а од друга на данокот на додадена вредност.“

Данокот на финансиски трансакции веќе одамна е тема на дискусија како еден вид инструмент, кој треба да ги направи неатрактивни шпекулациите на берзата. На овој начин за секоја зделка ќе се плаќа мал данок, кој, пак, во вкупната сума на буџетот треба да донесе милијарди евра. Воведувањето на овој данок веќе одамна го бараат пред се’ Германија и Франција, но тие не сакаат овие пари да завршат директно во буџетот на ЕУ. Тие не сакаат да и’ ги дадат на ЕУ ниту парите од данокот на додадена вредност.

Поддршка од Европскиот парламент

Европскиот парламент, меѓутоа ја подржува идејата на Комисијата, бидејќи на тој начин финансиските средства на ЕУ ќе бидат потранспарентни. За германските даночни обврзници нема да смени ништо, и понатаму остануваат 19-те проценти данок на додадена вредност, вели Јута Хауг од СПД. Само сметките ќе изгледаат поинаку:

„Ние сакаме во иднина на нив да стои 18 проценти данок на додадена вредност, а еден процент да биде за ЕУ. На тој начин граѓаните ќе гледаат дека парите се влеваат во европскиот буџет.“

German Finance Minister Wolfgang Schaeuble speaks with the media as he arrives for a meeting of eurozone finance ministers in Luxembourg on Sunday, June 19, 2011. On only his third day in office, Greece's new Finance Minister Evangelos Venizelos faces his first big test: He must convince his eurozone counterparts to release a loan installment his country needs to avoid defaulting on its massive debts next month, and to commit to billions in new loans to keep Greece afloat in the coming years. (Foto:Virginia Mayo/AP/dapd)

Германскиот министер за финансии, Волфганг Шојбле

Сега е тешко да се процени која земја колку финансиски средства издвојува за Унијата. Велика Британија со децении инсистира на нејзиниот т.н. британски попуст, бидејќи таа наводно добива помалку пари од бриселските фондови. Други земји, меѓу кои и Германија, се изборија исто така да добијат некои попусти.

„Мислам дека ширум светот има само 4 до 5 луѓе, кои го разбираат нашиот систем на попуст врз попуст. Тој е неверојатно компликуван“, рече Барозо.

Тешка задача

Тој сака сите овие попусти да ги укине, при што мора да смета со отпор од Берлин, Лондон и Париз. Во периодот од 2014 до 2020 година на ЕУ треба да и’ стојат на располагање илјада милијарди. Тоа би значело околу 140 милијарди годишно. Само за споредба: германската влада троши двојно повеќе од оваа сума секоја година.

Таа во наредните недели силно ќе се бори за субвенциите во аграрот. Европската комисија во иднина сака не само да ја замрзне предвидената сума на 370 милијарди евра, туку и поинаку да ги распределува субвенциите. Доколку, при тоа земјоделците од новите земји-членки добијат повеќе, тогаш германските земјоделци треба да сметаат со намалување на помошта од европските фондови.

ЕУ сака повеќе пари да вложува во науката, еконмскиот пораст и социјалната политика. Зашто, како што вели Барозо:

ARCHIV: Eine griechische (v.l.), portugiesische und eine spanische Ein-Euro-Muenze stehen in Berlin fuer eine Fotoillustration auf einem Tisch (Foto vom 01.03.11) Das Aus der portugiesischen Regierung hat seinen Schatten auf den EU-Gipfel geworfen. In Lissabon trat Regierungschef José Sócrates in der Nacht zum Donnerstag (24.03.11) zurueck, nachdem sein Sanierungsplan im Parlament durchgefallen war. Die 27 EU-Staats- und Regierungschefs wollten auf dem Gipfel ein Gesamtpaket zur Rettung der Waehrungsunion verabschieden. Ein Kernelement ist der unbefristete Rettungsschirm, der ab 2013 fuer drohende Pleitestaaten 500 Milliarden Euro bereitstellen soll. (zu dapd-Text) Foto: Steffi Loos/dapd

„Тој кој профитира од нашите средства не е Брисел, како што тврдат некои, туку тоа се пари за нашите региони и за нашите работници во цела Европа.“

Повеќе задачи - помалку пари

Голем број европратеници се разочарани од нацрт-предлогот на Барозо. Парламентот побара значително зголемување на буџетот. Ова мислење го дели и Ребека Хармс, претесдател на собраниската група на Зелените во Европскиот парламент:

„Јас не се сложувам со ова. Мојата фракција ќе праша: како може да се исполнат се’ поголемите задачи на ЕУ, кога ќе се намали буџетот.“

Наредните месеци значи ќе бидат во знакот на борбата за пари. До крајот на 2012 година треба конечно да биде донесен европскиот буџет за наредниот период до 2020 година.

Автор: Катрин Бранд / Бисера Огњановска-Митров

Редактор: Горан Чутаноски