1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Јапонските власти почнуваат со деконтаминација на областа околу Фукушима

Јапонската влада денеска (07.12) испрати 900 војници во областите околу нуклеарната централа Фукушима, кои ќе имаат задача да го деконтаминираат теренот. Во околината на Фукушима градовите ќе останат празни со децении.

default

Еден од разурнатите реактори во нуклеарката Фукушима 1

Трупите веќе започнаа да ги чистат општинските канцеларии во зоната забранета за движење, како и во соседните области. Владата сака тие објекти да послужат како база од која во јануари работници ќе започнат со отстранувањето на радиоактивниот материјал од областа во која се наоѓа нуклеарката Фукушима. Дел од неа се урна на 11 март, во земјотресот со јачина од девет степени.

Радиоактивно млеко во прав

Jahresrückblick 2011 Fukushima

Работите на деконтаминација започнаа

Последиците од радијацијата се чувствуваат и девет месеци по несреќата, бидејќи таа се рашири и преку воздухот и преку океанот. Така, најголемиот кинески производител на храна и бонбони, Меји, најави повлекување на 400.000 лименки со млеко во прав за бебиња, откако во него беа пронајдени траги од радијација.

Компанијата не знае колку лименки веќе стасале до потрошувачите, но знаат дека се преплавени со прашања од загрижените купувачи. Млекото е произведено во март и април и има рок на траење до октомври следната година.

Истекува радиоактивна вода во океанот

Се чини дека проблемот со радијацијата во Фукушима не запира. 150 литри високо радиоактивна отпадна вода вчера истече во Пацификот. Стронциумот, кој се наоѓал во водата, е поврзан со појавата на ракот на коските. Компанијата „Токио електроник пауер“ во понеделникот (05.12) објави и дека други 300 литри високо контаминирана вода исчезнала во океанот.

Во деновите по земјотресот во океанот истекоа 10.000 тони ниско радиоактивна вода. Извештаите од експертите велат дека токсичната вода се раширила во океанот и не претставува опасност за човекот или за животинскиот свет.

Поради радијацијата десетици илјади луѓе се раселени, а цели градови останаа без население и веројатно такви и ќе останат со децении.

Автор: Александар Методијев /СН/ап/афп

Редактор: Е. Милошевска Фиданоска