1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Шулц: Србија да биде уште поконструктивна

Мнозинството во Европскиот парламент ќе поддржи почеток на преговори за членство на Србија што е можно побрзо, но Србија може да стори повеќе со „поконструктивна улога“ во регионот изјави претседателот на ЕП, Мартин Шулц

default

Претседателот на ЕП, Мартин Шулц

Новоизбраниот претседател на Европарламентот, Германецот Мартин Шулц во интервју за денешниот број на српскиот весник „Политика“, смета дека Србија заслужува официјален статус на кандидат, но потребна е и поголема конструктивност од нејзина страна. Тој смета дека Србија сега треба да тргне во правец на нормализација на односите со Приштина, истакнувајќи дека двете страни треба да разговараат за многу конкретни прашања, како што се дипломи, трговија, телекомуникации, па дури и ако не се согласуваат околу крупните работи.

EU Europaparlament Sozialisten Martin Schulz in Straßburg

Мартин Шулц е член на германската Социјалдемократска партија

Потсетувајќи дека ЕП веќе наведе дека Србија заслужува да добие статус кандидат за членство, благодарејќи на добриот напредок кој го прави на патот кон ЕУ, Шулц рече дека одлуката на Европскиот совет мора да биде едногласна, но и дека се’ уште е нејасно дали сите лидери на ЕУ самитот во март ќе го поддржат ставот на ЕП.

Шулц наведе дека Европскиот парламент цврсто го поддржува проширувањето на Европската унија, како „една од најуспешните политики на ЕУ“. „Не би бил искрен доколку не кажам дека нема ’замор од проширувањето’ во некои држави членки, меѓутоа, пристапувањето на Хрватска покажува дека ЕУ е посветена на проширувањето, иако се тешки времиња“, вели претседателот на Европарламентот Мартин Шулц во интервјуто за „Политика“.

Автор: СН/ АТ/ миа/ бета

Редактор: Александра Трајковска