1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Што му рекол Груевски на Рикер?

Премеирот со нов медиумски имиџ - одржува кондиција со возење велосипед низ Скопје. Но, Никола Груевски останува препознатливо резревиран, кога од него се бара коментар околу можностите за решавање на спорот со Грција.

default

„Би му оставил на премиерот да каже за работите, ако сака да зборува за тоа што мене ми го рече. Не сакам да му ги земам зборовите“, изјави Филип Рикер, по синоќешните завршни разговори со Груевски.

„Владата, со одговрен пристап, е насочена кон изнаоѓање прифатливо решение за спорот за уставното име на Република Македонија, наметнат од Грција“, се вели во соопштението по средбата со гостинот од Вашингтон, на која за овој проблем е посветено најмногу од времето на разговорите со Рикер.

Високиот дипломат на Стејт департментот, по една недела престој во Скопје и средбите со политичкото партиското лидерство, остави порака „Македонија сама да реши за Македонија.“ Ако биде побарано медијаторство,тогаш ќе разговараме, иако претпочитаме Скопје и Атина билатерално да го решат спорот околу името, без што нема прием во НАТО“, изјавуваше деновиве довчерашниот амабасадор на САД во Македонија. На таков начин реагираше Рикер по јавно побараното и подиректно медијаторство на Вашингтон и Брисел за името, како во случајот со Охридскиот договор.

Поделеност околу идејата за меѓународно посредништво

Botschafter der USA und der EU in Mazedonien

Довчерашниот амбасадор на САД во Македонија престојуваше една недела во земјата

За ваков модел директно се изјасни и Али Ахмети, што во медиумите и меѓу експертите е различно коментирано. Професор Димитар Мирчев гледа позитивно на таквиот концепт:

„Претседателот Иванов недомана на регионалниот самит во Охрид со колегите од Албанија, Косово и Црна Гора, овој принцип на посредување го посочил во однос на проблемите меѓу Приштина и Белград. Изразувањето на нашите соседи за решавање на спорот со името се многу важен фактор, зашто и регионот е засегнат од нерешавањето на проблемот со името“, оцени Миречев.

Професорот Стево Пендаровски, пак, смета дека тоа е немоќ на лидерот на ДУИ, како владин партнер, да влијае на забрзување на разврската околу спорот.

„Има скриена порака во иницијативата на Али Ахмети. Повикувајќи го меѓународниот фактор да посредува, осбено клучниот американски, лидерот на ДУИ се обидува да каже дека како владин партнер нема политички капацитет да го убеди Груевски оти сериозно треба да се преговара со Грција. Затоа мислам дека Ахмети заговара некаква регонална групација, која би била сместена овде во регионот и би ги решавала сите отворени билатерални прашања“, истакнува Пендаровски, со ставовите близок до опозицијата.

Наесен „интелигентни предлози“ од Нимиц

UN Vermittler Matthew Nimetz

Се очекуваат нови предлози од посредникот

Разликите меѓу нив се и околу шансите за обновена мисија на посредување и ефекти од нив, со ангажирањето на медијаторот Нимиц. „Претпоставувам дека наесен, во септември-октомври, посредникот Нимиц, во оваа рунда, ќе настапи со поинтелигентни предлози, кои би можело да водат кон завршување на преговорите со Грција. Очекувам процесот да се покрене од мртва точка“, вели Мирчев. Од друга страна, Пендаровски оценува дека ниту од една страна нема иницијатива да се отвори нова етпа во билатерланите преговори и додава:

„Очигледно е дека процесот на антиквизација се повеќе се` засилува, а тоа индицира дека водечката партија и владата на Груевски немаат намера сериозно да се впуштат во разврска на спорот со Атина. Дел од причините можеби лежат и во очекувањата до карјот на годината да биде донесена пресудата на Хашкиот суд на правда.“

Дел од политичката елита во Скопје очекува нова подршка од Вашингтон за прием ма Македонија во НАТО и деблокирање на тој процес на пролетниот самит на Алијансата во Чикаго. Дотогаш, а можеби и до крајот на ноември, сигурно ќе се знае одлуката на Хашката арбитража по тужбата на Македонија против грчките вета за нејзините евроатлански инеграции.

Автор: Александар Чомовски

Редактор: Трајче Тосев