1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

Што му даде белег на есенскиот дел на Бундеслигата?

Полусезоната "видена" статистички

Вердер Бремен по петти пат ја завршува полусезоната на првото место. Тоа во принцип е добар знак, ако и' се верува на статистиката: во досегашните 40 првенства, есенскиот лидер во 27 случаи на крајот стана и шампион. Но, Вердер досега остана под тој просек - четирите негови есенски први места во само два случаја беа одбранети до крајот на првенството. Во овој поглед Борусија Менхенгладбах беше особено ефикасна: во сите четири случаи кога на крајот на есента беше на прво место, ја освои титулата, а покрај тоа уште еднаш - во сезоната 1970/71-ва го освои првенството, иако Баерн Минхен беше најдобар во есенскиот дел. Баерн пак, 13 есенски претвори во 11 шампионски титули, а покрај тоа уште четири пати им го расипа конечното славје на други екипи кои беа есенски прваци.

Изминатава фудбалска есен донесе рекорден број гледачи - 5 594 534, односно просек од 36 566 по натпревар. Тоа е за вкупно 450 илјади гледачи повеќе од досега рекордната есен 2001-ва. Магнет за домашната публика пред се' е Борусија чии средби во Дортмунд просечно ги следат по 77 500 гледачи. Дуелот со Баер Леверкузен од 13-тото коло привлече 81 500 гледачи на стадионот во Дортмунд, што е највисока посета на натпревар од Бундеслигата за последните 28 години. Шалке има просек од нешто повеќе од 61 илјада, Баерн 60 500. Есенскиот првак Вердер е во средината на оваа табела со нешто помалку од 39 илјади гледачи, речиси ист просек како и Келн, кој е во дното на табелата. Келн, како и Ајнтрахт Франкфурт - и особено Хановер, имаа на располагање само ограничени капацитети на стадионите кои се во фаза на реконструкција односно градба за светското првенство 2006-та.