1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми на денот

Ширак ги повика Французите на единство по референдумот за уставот на ЕУ

Од синоќешното обраќање на Ширак до нацијата

Од синоќешното обраќање на Ширак до нацијата

Францускиот претседател Жак Ширак во синоќешното телевизиско обраќање ги повика сонародниците на единство за национална добробит во, како што рече, „ова за Франција и за Европа тешко време на несигурност. Претседателот рече дека ќе ги брани националните интереси на европско ниво, вети енергична политика во интерес на земјата и го наведе сузбивањето на невработеноста со сите ефикасни средства како највисока цел на новата влада. За остварување на таа цел, според претседателот Ширак, неопходно е „национално мобилизирање“.

По референдумот на кој Французите го отфрлија уставот на ЕУ, Ширак го смени шефот на владата Жан-Шјер Рафарен и за нов премиер вчера го именува досегашниот министер за внатрешни и поранешен за надворешни работи Доминик де Вилпен. Во владата се враќа и Никола Саркози како министер за внатрешни работи. Тој најверојатно ќе остане и претседател на владеачката партија УМП. Во 2004-та година Ширак го стави Саркози пред ултиматум: да се откаже од министерската функција или од шефувањето со партијата, по што популарниот политичар и внатрепартиски конкурент на Ширак се реши за партиската функција. Според анкетите, Французите најмногу го посакуваа Саркози за премиер. 50-годишниот политичар има амбиции во 2007-ма година да го наследи Ширак како претседател на Франција.

Исходот на референдумот беше оценет како шлаканица за досегашниот премиер Рафарен и владата поради социјалните реформи што ги спроведуваа.