1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Членство на Македонија во НАТО му е потребно и на регионот

Во Охрид се одржува дводневна меѓународна конференција посветена на евроатлантската интеграција на Македонија. Конференцијата е во организација на Балканскиот клуб, а учествуваат повеќе политичари и експерти од регионот.

default

Охрид

„Македонија е подготвена да се најде компромис за решавање на билатералниот спор околу името со Грција, што нема да ги загрози нејзините национални интереси и достоинство, рече македонскиот премиер Никола Груевски на отворањето на меѓународната конференција „Македонија и нејзините евроатлантски перспективи“. Тој додаде дека „Грција постојано ја блокира Македонија, а пред меѓународната јавност симулира дека е за преговори“.

Решение на спорот во корист на Македонија очекува и поранешниот претседател на Турција, Сулејман Демирел, кој исто така учествува на конференцијата во Охрид. „Потребно е само трпение“, додаде Демирел.

Во Охрид отворено се слушнаа и пораките од странските учесници дека Македонија, за да постигне напредок во евроатланските интеграции, треба да затвори уште некои сегменти во кои се’ уште не покажала задоволителни резултати.

Бугарија нема да го блокира патот на Македонија кон ЕУ и НАТО

Bulgarischer Ex-Präsident Zhelju Zhelev

Поранешниот бугарски претседател Жељу Желев

Поранешниот бугарски претседател, Жељу Желев кој е еден од основачите на Балканскиот клуб подвлече дека е убеден оти целосното зачленување на Македонија во НАТО и ЕУ, не и потребно само на земјата туку на целиот регион. „Ова прашање влијае и врз безбедноста и стабилноста на регионот.Секој друг спротивен развој би можел неповратно да ја доведе Македонија во внатрешна дестабилизација“, смета поранешниот бугарски претседател.

Поранешниот бугарски премиер Симеон Саксобурготски во дебатата констатираше дека регионот е центар на многу случувања и политички е многу чувствителен. „Но, од друга страна, за да биде довршен интересниот проект наречен ЕУ ќе треба во него да влезат сите земји, меѓу нив и Македонија.“ Тој нагласи дека неговата земја нема да ја блокира Македонија при интегрирањето во евроатланските структури.

На дводневната конференција учествуваат околу дваесетина поранешни политичари и експерти од балканскиот регион.