1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Црвенковски: Глигоров одигра грандиозна улога

Тој беше глас на разумот во најтешките мигови и немаше дилема каде е иднината на Македонија, во ЕУ и НАТО, подвлекува претседателот на СДСМ Бранко Црвенковски по смртта на поранешниот претседател Глигоров.

default

Бранко Црвенковски

Претседателот на СДСМ Бранко Црвенковски, во писмената изјава по смртта на првиот претседтел на Македонија Киро Глигоров истакнува дека: „Претседателот Глигоров претставуваше глас на разумот на само во Македонија, туку и во целиот регион и тоа тогаш кога насекаде околу нас владееше националистичко лудило и се водеа крвави етнички војни. Благодарение најмногу на него и на неговата политика Македонија стана независна и меѓународно призната држава по мирен пат, без жртви и крвопролевање“, подвлекува Црвенковски.

Претседателот на СДСМ истакнува дека Глигоров беше првиот што се залагаше за идејата за интеграција на Македонија во ЕУ и во НАТО.

„Ниту една друга личност во овие 20 години немала во истовреме таква подршка од граѓаните на Македонија и таква меѓународна почит и уважување. Стара изрека е дека историјата ја пишуваат победниците. Но, нема такви победници кои можат да ја избришат грандиозната улога на Киро Глигоров во историјата на македонскиот народ и македонската држава.“

Социјалдемократскиот сојуз на Македонија соопшти дека по повод смртта на првиот претседател на Република Македонија, Киро Глигоров, ќе отвори Книга на жалост, во седиштето на партијата во Скопје и во општински организации во Македонија. Во чест на претседателот Глигоров, СДСМ утре ќе одржи и Комеморативна седница, а знамињата пред сите седишта на партијата се спуштени на пола копје.

Автор: СДСМ/ АТ

Редактор: Борис Георгиевски