1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Европа

Хашкиот трибунал одбележа 20 години постоење

Хашкиот трибунал денеска (27.05) одбележа 20 години постоење со свеченост на која присуствуваше холандскиот крал Виљем Александер.

Претседателот на Хашкиот трибунал Теодор Мерон одлуката за основање на судот ја нарече „историска“. Основањето на судот беше „силен одговор на злосторствата“ сторени во бивша Југославија, нагласи Мерон, додавајќи дека во времето кога судот беше основан никој „не можеше да знае дали некогаш идејата на Советот за безбедност ќе се претвори во пракса“. Многумина, како што рече Мерон, беа во дилема „дали ќе има апсења, дали ќе има судења и дали судот кој е создаден ќе заживее“.

„Денес, по 20 години, среќен сум што можам да кажам дека идејата на Советот за безбедност стана правило, а не исклучок, стана реалност“, нагласи Мерон. Со работата на судот е воспоставена „нова ера на одговорност“ во која „меѓународната заедница реагира на тешките злосторства во војна и мир“, заклучи претседателот на Трибуналот.

Потсекретарот на ОН за правни работи Патриша О‘Брајен на свеченоста по повод две децении постоење на судот потенцираше дека тој им „даде глас на жртвите“, кои првпат во историјата на меѓународното право можеа во судница да раскажат што преживеале и да ги видат извршителите на злосторствата пред лицето на правдата.