1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Хауит: следните денови клучни за иднината на земјата

Она што ќе се случува тука следните неколку денови може да одреди што ќе се случува во следните неколку години во Брисел. Ова е пораката на Хауит по тридневниот престој во Македонија.

Известувачот за Македонија во Европскиот парламент Ричард Хауит недвосмислено порача дека актуелната политичка ситуација може да го загрози натамошниот напредок на земјата.

„Се надевам дека луѓето ќе го препознаат вистинскиот напредок што го направивме во Брисел. Се надевам дека луѓето ќе разберат дека одлуката на европскиот комесар од минатиот октомври да ја промовира идејата за надминување на спорот со името во раната фаза по почетокот на преговорите и одлуката на Европскиот совет да биде изготвен дополнителен извештај и да добие позитивен одговор за позитивен извештај, преставува значаен напредок“, вели Хауит.

Порачува дека станува збор за историска можност Македонија да ги отпочне преговорите за членство, посочувајќи дека во ситуација кога следната година во Европската унија е изборна, никој не може да претпостави дека Унијата ќе е во можност да се движи напред на ист начин.

Како една од можните последици од моменталната политичка ситуација, Хауит го посочи и неговото размислување да побара одложување на гласањето за неговата резолуција за Македонија во Европскиот парламент.

„Во моменталните околности се плашам дека гласањето по извештајот може да биде негативно и, со тешко срце, морам да ви кажам ова утро дека размислувам да го повикам Европскиот парламент да го одложи гласањето за мојот извештај, имајќи ги предвид моменталните околности во земјата“, рече известувачот.

Treffen Premierminister Nikola Gruevski und Branko Crvenkovski SDSM Mazedonien

Иднината на земјата е во рацете на политичките лидери, смета Хауит

„Верувам дека ова може да биде уште една изгубена шанса да се влијае на препораката на Европската комисија во април и на одлуката на Европскиот совет што ќе следува, и жалам ако ова се случи. Но, надежта останува дека тоа нема да се случи. И дека политичките партии во земјата ќе најдат начин да ги стават интересите на земјата во преден план“, рече Хауит.

Европратеникот порача дека случувањата од 24-ти декември го ставаат под знак прашање демократскиот кредибилитет на земјата, но и дека Европскиот парламент не верува во бојкотот на избори во оваа или во која и да е друга земја.

„Мојата порака е дека ако политичката порака надвладее за надминување на недоразбирањата, сe’ уште е можно недоразбирањата да бидат надминати“, рече тој.

Хауит застана зад идејата за формирање Комисија што ќе ги расветли случувањата на 24-ти декември. Како немудро го оцени менувањето на Деловникот за работа на Собранието во отсуство на опозицијата. Хауит го критикуваше и отстранувањето на новинарите од собраниската галерија на денот на носењето на Буџетот и изрази жалење за прекинатиот дијалог меѓу Владата и новинарите. Британскиот европратеник порача и дека не постои некој друг освен него надвор од Македонија што работи толку посветено на европската иднина на земјата. „Но, оние однадвор не можат да ја посакуваат интеграцијата на вашата земја во ЕУ повеќе од вие самите“, порача британскиот европратеник.