Фудбалерот на Бајерн, Брено, во истражен затвор! | Теми | DW | 24.09.2011
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

Фудбалерот на Бајерн, Брено, во истражен затвор!

Играчот на Бајерн, Брено, деновиве заврши в болница по пожарот во неговата вила. Полицијата во меѓувреме, смета дека огнот во луксузниот кварт на Минхен не бил случаен и се сомнева токму во Брено!

default

Брено во притвор

Четири дена по пожарот во неговата вила, фудбалерот на Бајерн, Брено, е одведен во истражен затвор под сомнение дека го подметнал огнот. Судот во Минхен денеска (24.09) издаде налог за апсење на 21-годишниот Брено поради опасност од бегство и прикривање на делото, соопшти портпарол на Обвинителството во Минхен. Вилата на професионалниот фудбалер на Бајерн Минхен целосно изгоре ноќта спроти вторникот (20.09). Причинета е милионска штета.

Brand Haus von Breno FC Bayern München

Вилата на Брено во квартот Гринвалд во Минхен

Вчера Обвинителството соопшти дека е покрената истрага против младиот Бразилијанец. За време на пожарот Брено бил во вилата, а неговата жена и трите деца биле отсутни. Брено во Бајерн дојде во 2008 година, но не успеа да се пробие поради силната конкуренција, а во фудбалската сезона 2009/2010 година му беше позајмен на ФК Нирнберг, каде долго се бореше со повреди. Пред избивањето на пожарот Брено се жалел неколку дена на проблеми со коленото и стравувал од крај на кариерата.

Брено засега останува во притвор, иако евентуално може да биде пуштен со плаќање кауција.

Автор: ЖА/ЕМФ/дпа

Редактор: Е. М. Фиданоска