1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Европа

Фридрих бара исфрлање на бугарските и романските „социјални туристи“

Германските општини се‘ погласно се жалат на доселеници од Бугарија и Романија кои, бегајќи од сиромаштијата во своите земји, поднесуваат барања за социјална помош во Германија. Владата сега најавува поостри санкции.

Германската влада има намера во иднина да постапува поостро против илегалните доселеници од Романија и Бугарија, кои бегајќи од бедата во татковината, се надеваат на подобри денови во Германија. Во иднина треба да се засили процесот на нивно протерување и да се воведат забрани за влез во Германија. Министерот за внатрешни работи Ханс-Петер Фридрих ваквите намери на официјален Берлин денеска (07.06) ги обелодени пред колегите од европските земји на средбата во Луксембург. „Кој овде делува илегално на каков било начин, треба да биде вратен назад“, рече Фридрих, додавајќи дека полицијата тоа може да го контролира. „Ако бидат фатени, тогаш може да се исфрлат без големи процедури.“ На тој начин, според Фридрих, треба да се спречи злоупотребата на социјалните системи.

Berlin - Lustgarten

Колкав е бројот на „социјалните туристи“ се‘ уште не се знае

Министерот изјави дека треба да се создаде и можност за воведување забрана за влез во Германија, „за да не се вратат веќе наредниот ден“. Европската комисиjа ја информирала Германија дека вакви санкции при злоупотреба на социјални услуги се дозволени согласно европското право.

Бројот на доселеници од Бугарија и Романија во последно време е многу зголемен, а поголемиот дел од нив се Роми. Многу германски општино се жалат поради тоа и трошоците што од тоа произлегуваат. Обвинувањето гласи - овие граѓани на ЕУ ја злоупотребуваат слободата на движење во ЕУ за да поднесат барање за социјална помош во друга земја членка на Унијата. Германската влада, според сопствени наводи, не располага со конкретни бројки. Европската комисија, пак, бара конкретни бројки и докази за проблемите.