1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Французинките мора да ги отстранат вештачките гради!

Француското министерство за здравство им препорача на 30 000 жени во земјата да ги отстранат силиконските имплантанти од градите по појавувањето на осум случаи со рак. Препораката се чекаше во Европа, но и Јужна Америка.

default

Имплантати за гради

Министерството за здравство ја даде препораката за отстранување на силиконските имплантанти, иако во исто време објави дека не постои ризик за појавување на рак од имплантантите произведени од француската фирма „Поли Имплант Протесе“. Во изјавата се вели и дека постојат ризици од протекување на силиконот. Оваа мерка може да ја чини владата многу, во време кога економијата во земјата се соочува со нова рецесија.

Schönheitsoperation

Операциите за разубавување носат и ризици

Францускиот министер за здравство Ксавиер Бертранд рече дека владата дава препорака за отстранување на силиконите како мерка на претпазливост, додавајќи дека не е ургентно тоа да се направи. Француската компанија произведуваше по 100 000 имплантанти годишно, пред нејзините производи да бидат повлечени од пазарот во 2010-та година. Тогаш се откри дека користела недозволен силиконски гел кој предизвикувал невообичаено високо истекување на материјата. Истрагата покажа дека компанијата наместо поскап медицински силикон, користела индустриски силикон и со тоа заштедила годишно 1 милион евра.

Документите од компанијата покажуваат дека такви силиконски имплантанти имаат жени во 65 земји во светот, посебно во Западна Европа и Јужна Америка. Во Европа тие се продавале во Британија, Шпанија, Италија и Германија, а во Јужна Америка во Венецуела, Бразил, Колумбија и Аргентина. Повеќе од 2 000 жени од Франција побараа кривична истрага за фирмата „Поли Имплант Протесе“.

Автор: Александар Методијев /афп/ројтерс/дпа/ап

Редактор: Ж.Ацеска