1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Фотоапарати со 3-Д

На најголемиот саем за фотографската индустрија, во Келн годинава настапуваат 1250 излагачи од 45 земји. Главен тренд - развојот на тридимензионални камери и снимки.

default

Новитети кај камерите, кај фотографирањето со мобилни теолефони, кај видеокамерите, објективите, но и кај фото-печатарите и софтверите за обработка на фотографии - сето тоа ќе можат да го видат очекуваните околу 150 илјади посетители во петте денови на саемот „Фотокина“ во Келн.

Дигиталните камери се се’ помали и покомпактни, а располагаат со дополнителни функции како ГПС (џи-пи-ес) или се способни да прават тридимензионални снимки. Тие автоматски ги корегираат снимките и ги меморираат податоците за местото на кое се направени. На самата камера може да се определи која фотографија на која интернет-платформа треба да се меморира.

„Голема тема е стереоскопијата или 3-Д снимките - значи се нуди и трета димензија, снимките се гледаат просторно и тоа на дисплеј, на дигитални рамки за фотографии, на компјутер или на телевизор со 3-Д функција. Сега има и технологии и за тридимензионални фотографи“, вели Кристијан Милер-Рикер, раководител на Здружението на фотоиндустријата.

Фотореалистични снимки

Photokina 2010

Натамошен новитет е таканаречениот „компјутер џенерејтид имеџинг“, на компјутер создавање фотореалистички снимки - систем со посебна примена за специјални ефекти во филмската индустрија. Хенинг Олсон, претседател на Здружението на фотоиндустријата вака го објаснува тој систем:

„На компјутерот креирам заднина и атмосфера, за потоа да ги внесам во реално направена фотографска снимка. Ова е голем пазар за професионалните фотографи“.

Камерите се поскапи, но продажбата е добра

Иако новите камери ќе бидат нешто поскапи, фотографската бранша со оптимизам гледа на иднината. Лани во Германија беа продадени околу осум ипол милиони камери, годинава се очекува да бидат 9 милиони. Приходот треба да скокне од 1,7 на цели две милијарди евра.

„Фотографската бранша ја надмина рецесијата многу подобро отколку другите, со сосем мал пад. Во 2010, ако се’ оди добро - а саемов ќе даде важен импулс - мислам дека на крајот севкупно можеме да очекуваме плус од пет проценти“, нагласува Кристијан Милер Рикер.

Шансите се добри - конечно, во Германија веќе сега секоја секунда се прават илјада снимки со фотоапарати.

Автор: Басак Озај / Зоран Јордановски

Редактор: Елизабета Милошевска Фиданоска