1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Вести

Фајад шеф на привремената палестинска влада

*

Претседателот на Палестинците Махмуд Абас го именува поранешниот министер за финансии Салам Фајад за шеф на владата што треба да ги врши работите за време на вонредната состојба. Нејзината власт фактички е ограничена само на Западниот брег. Досегашниот премиер Исмаил Ханија и натаму се спротивставува на распуштањето на владата.
Германското претседателство со ЕУ оцени дека било правилно решението на Абас за распуштање на владата на национално единство и прогласување вонредна состојба на палестинските автономни територии. Во изјавата се осудува насилното преземање на власта во појасот на Газа од страна на радикал-исламистичкото движење Хамас.

Израел искажа готовност за испорака на помош за цивилното население во појасот на Газа, но - како што рече премиерот Ехуд Олмерт - во моментов на палестинска страна нема партнер кому да му се обрати.