1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Уште една пропуштена шанса за Македонија

На Саемот на книгата во Лајпциг, кој е празник за читачката публика годинава се претставуваат седуммина македонски автори. Никогаш ги немало во толкав број како годинава. Но наспроти тоа на саемот нема македонски штанд.

default

Уште една пропуштена шанса за Македонија. Вака и никако поинаку би се оквалификувала презентацијата на Саемот на книгата во Лајпциг каде и покрај читањата и присуството на седуммината македонски автори земјата нема сопствен штанд. Покрај раскошните штандови на Србија, Хрватска, Словенија, Македонија нема ни метар свој простор каде би се претставиле дел од многуте изданија. Седуммината автори и нивните издавачи буквално се распрскани низ саемските хали и доколку го немаше штандот на германската организација „Традуки“ која го организираше учеството на македонските автори во Лајпциг, тешко дека меѓу јавните читања, човек би можел и да ги пронајде претставниците од Македонија.

Mazedonien Schriftsteller Robert Alagjozovski

Роберт Алаѓозовски

Нема македонски штанд

До лани македонската литература се претставуваше на штандот на албанските издавачи. Годинава нив ги нема, така што ја нема ниту македонска ниту албанска книжевност. Организаторот на презентацијата Роберет Алаѓозовски , вели дека е штета што нема штанд, но смета дека македонската литература е присутна преку авторите кои имаат бројни читања. Дека се битни контактите и дополнува дека постои расположние и кај Миниустерството за култура и кај „Традуки“ в година Македонија да има нормален штанд. А до тогаш можеби авторите ќе ја искористат шансата што ја нуди напечатеното „Пролетно книжуле за Лајпциг“ за кое Алагјозовски кажува:

„Направивме каталог во облик на книжуле со делови од творештвото, со библиографски податоци и контакти на 30 автори. Ова е прво претставување на македонските автори на германски јазик. На саемот тоа стаса до издавачите, критичарите, новинарите. Книгата е направаена по светски стандарди и е нешто што не е направено до сега“.

Mazedonien Flagge Leipzig Buchmesse

Македонското знаме развеано пред Саемот во Лајпциг

Публиката во Лајпциг можеше да чуе повеќе за Македонија

200 примероци од ова книжуле било бесплатно поделени. Но би прашале: што се двеста во споредба со илјадната публика која едноставно нема шанса да слушне повеќе за македонската литература.

Инаку, првото претставување на македонските автори започна уште вчера. Попладнево настап имаат Никола Маџиров и Лилјана Дирјан, а вечерва ке биде претставена книгата „Скопје. Вонбрачно дете на светот“ на Милан Мијалковиќ и Катарина Урбанек, по што за проектот „Скопје 2014“, ке дебатираат Влада Урошевиќ, Владимир Јанковски и Роберт Алаѓозовски.

Автор: Силвера Падори - Кленке

Редактор: Симе Недевски

DW.COM