1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Европа

Утоја - две години од масакрот

Точно две години по масакрот на норвешкиот остров Утоја, стотици волонтери сакаат повторно да го изградат летниот камп на Работничката младина. Веруваат дека тоа е најдобриот одговор на Брејвик и неговите истомисленици.

На 22 јули 2011. околу 14 часот на илјадници електронски адреси стигна обемен манифест на извесен Андерс Беринг Брејвик, човек кој по неколку часа ќе стане познат во целиот свет. Со налудничави аргументи, се објаснува омразата кон странците, особено кон муслиманите. Истиот ден во 15:30 часот импровизирана бомба усмрти седум лица во центарот на Осло, недалеку од кабинетот на норвешкиот премиер Јенс Столтенберг.

За жаl, тоа беше само вовед во крвавиот пир кој Брејвик го предизвика на островот Утоја, во близина на Осло. Таму во тој момент, над 600 припадници на подмладокот на владејачката Работничка партија присуствуваа на традиционалниот собир, кога русокос човек во полициска униформа ги повика да се соберат околу него, тврдејќи дека е испратен како засилување по бомбашките напади во градот. Тој човек беше токму Брејвик, кој потоа од две автоматски пушти во следните 90 минути пукаше кон децата. До доаѓањето на полицијата усмрти 69 лица, претежно деца.

Zwei Jahre nach den Anschlägen in Norwegen

Портрета на преживеана во масакрот

Повеќе од 63 години Утоја беше повеќе од обичен остров - тоа беше срцето на норвешката социјалдемократија. Уште во 1950. година островот и беше подарен на младината на Работничката партија, која таму одржуваше летни кампови.

Одговор на теророт

Во текот на денешното одбележување на двегодишнината од масакрот, Утоја беше повторно отворена за семејствата на жртвите и преживеаните. Според една студија, над 40 отсто од преживеаните страдаат од анксиозност и депресија. Владата обезбеди околу 23 милиони евра за општините да ги финансираат медицинските третмани за нив.

Но младите сакаат да гледааат во иднината - планот е Утоја повторно да се изгради. Ќе бидат урнати кафетеријата и училниците во кои убиваше лудиот екстремист, а ќе бидат изградени нови објекти, како и споменик на жртвите. Младите социјалдемократи веруваат дека изградбата е најдобар одговор на теророт.

Zwei Jahre nach den Anschlägen in Norwegen

Портрет на преживеана во масакрот

Всушност Брејвик со својот грозоморен чин не успеа да ја преплаши норвешката младина која ја означи како симбол на мултикултурното општество од кое се згрозува. Денес младината на Работничката партија има 13 илјади членови, дури 3.400 повеќе отколку пред две години.

Но, и покрај тоа, на социјалдемократската партија и се заканува пораз на изборите закажани оваа есен. Според анкетите, Работничката партија би можела да загуби од десните популисти, собрани во Напредната партија. За преживеаните и за семејствата на жртвите тоа ќе биде особено горчливо чувство - затоа што токму Брејвик повеќе од 10 години беше член на подмладокот на Напредната партија.