1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Украина ги доби првите руски пари

Украина доби три милијарди долари транша од 15-те милијарди долари парична помош од Русија, со која треба да остане во нејзината орбита, а не во прегратка со ЕУ.

„Националната банка на Украина ја доби првата транша. Тоа е стабилизирачки фактор за нас“, рече украинскиот премиер Микола Азаров за време на разговорите со неговиот руски колега Димитри Медведев во Москва. „Парите отидоа вчера во Централната банка на Украина“.

Минатата недла рускиот претседател Владимир Путин се согласи да купи 15 милијарди долари, или околу 11 милијарди евра, од украинскиот долг преку еврообврзници, откако беше постигнат договор за помош во украинската финансиска криза.

Вртењето на грбот кон ЕУ и поблиските трговски односи со Русија предизвикаа протести во Украина. Договорите за финансиска помош и поевтин руски гас беа постигнати минатата недела, за време на посетата на украинскиот претседател Виктор Јанукович на Москва.

„Благодарение на постигнатите договори нашите рејтинзи пораснаа. Ние излеговме од зона во која бевме“, му рекол Азаров денеска на Медведев. Според главните светски рејтинг агенции, рејтингот на Украина е со статус „ѓубре“.

Обезбедените руски пари се доволни за Украина да се спаси од ризикот да не може да ги исполни своите обврски следната година и да мора да се обрати до ММФ и ЕУ за дополнителни фондови.