1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Убиени цивили во напад на НАТО во Авганистан

Најмалку 14 Авганистанци, сите жени и деца, се убиени во напад на НАТО во провинцијата Хелманд. Вчера пак во самоубиствен напад на талибанците во Талокан се убиени седум лица, меѓу нив и двајца војници од Бундесверот.

default

Седум жртви во вчерашниот напад врз Бундесверот

Авганистански претставник соопшти дека при воздушен удар на НАТО убиени се 14 лица, сите се жени и деца, а при нападот во провинција Хелманд биле повредени и шест лица.

Нападот е изведен доцна синоќа во областа Навзад, соопшти портпаролот на провинциската управа Давуд Ахмад. Според него, цел на ударот биле бунтовници талибанци, но наместо тоа, НАТО авионите бомбардирале две куќи на мирни жители, при тоа убивајќи две жени, пет девојчиња и седум момчиња.

Според портпаролот, воздушниот удар следел по бунтовничкиот напад врз база на американски маринци во Навзад.

General Markus Kneip Archivbild

Генералот Маркус Кнајп и германскиот министер за одбрана Томас де Мезие (архивска снимка)

Портпаролот на НАТО, мајор Тим Џејмс соопшти дека сојузнички и авганистански единици го истражуваат случајот и објаснувања ќе дадат подоцна.

Командантот на силите на НАТО во северен Авганистан, германски генерал Маркус Кнајп го преживеа вчерашниот самоубиствен напад на канцеларијата на гувернерот на провинцијата Тахар.

Во експлозијата загинаа најмалку седум лица, меѓу кои двајца германски војници, како и началникот на полицијата во северен Авганистан Мохамед Дауд Дауд.

Автор: ЖА/АТ/дпа/миа

Редактор: Александра Трајковска

DW.COM